Corpus solitarium, interdum vitio caespitosum, cylindricum, ad 5 cm altum, ad 3 cm diam. - paulum griseo-viride, dense albescentibus ad paulum flavescentibus spinulis curvatis et inter se insertis circumtextum, radicibus ramosis; costae fere 32, perpendiculares, fere 2 mm inter se distantes, in tubercula parva, rotunda fere 1 mm alta et 2 mm lata divisae; areolae in verticibus tuberculorum, ovales, fere 1,25 mm longae et 0,75 min latae, primo tomento flavo vix discernendo instructae, celerrime nudae; spinae corpus totum et acumen ut scopae obtegunt, omnes plus minusve curvatae et incomposite inter se insertae, omnes albae ad interdum flavescentes; marginales fere 14, 4-6 mm longae; una centralis, 4-6 mm longa, omnes vitreae basi griseo - brunnea. Flores 30 mm longi, 26 mm lati, flavi; pericarpellum 10 mm longum, 5 mm latum, pars inferior nuda est, ceterum parvis areolis griseo-albipilosis obtectum et areolatim saetis 6, ad 3,5 mm longis, curvatis brunneis; receptaculum 7 mm longum, areolatum, in quibus areolis sursum podaria magis exculta sunt, in unaquaque areola pili griseo-albi et saetae, 8-10 mm longae, curvatae, brunneae, fasciculis trium connatae, qui diagonaliter directi sunt; camera nectarea non vel vix discernenda; caverna seminifera 6 mm longa, 3 mm lata, vextura reticulari perspicua, in qua aliud ovulum supra aliud ordinibus insitum est, circumdata; folia perianthii exteriora 10-16 mm longa, 2-3,5 mm lata, lanceolata, flava; interiora fere 18 mm longa, 4 mm lata, lanceolata, flava; stamina primaria 12 mm longa, flava, stylo parallela, a basi glandulae nectareae sunt; secundaria 4,5-9,5 mm longa, in pariete receptaculi insita, stylo parallela, flava; antherae 1 mm longae, flavae; stylus 16 mm longus, eburnescens, stigmati bus 8, 4,5 mm longis, papillosis, eburnescentibus. Fructus 18 mm longus, 12 mm latus, paulum acute desinens in quo areolae pilis griseo - albis et brunneis saetis curvatis ad 3,5 mm longis. Semen lintriforme, 1,5 mm longum latumque, nitide spadiceum, lineamentis reticularibus in testa; hilum ovale, micropyle in parte pectinis, funiculus in membrana tenui, quae hilum praecludit; embryo lintriforme, perispermium deest.
Habitat: in parte occidentali Rio Grande do Sul in septentriones Santiago (do Sul), Brasilia, in rupibus planis et praeter eas.
Holotypus in herbario Ultrajecti sub nr. HU 0322.
With thanks to Wolfgang Gemmrich for this first description.